ياسيد ( القلب )جيتك ضايـق ٍ صـدري
والناس فـي ضيقتـي ماظـن تدريبـي

ان كاني اخطيت في حقك وانـا مـدري
ابعتـذر والـزمـن كـافـل بتهذيـبـي

غيرك ؟ بكى دم ,, يومه ماعرف قـدري
وراح يترجـى يلبـي لـي مطاليـبـي

علمني الوقت .. كيف اقسى على عمري
والله يرحـم مـن اهدانـي عذاريـبـي

ان راح عمري بلا معنى وانـا بصغـري
بكـره شسـوي إلامنـه طغـى شيبـي

كني على الحزن ضيف ودمعتي صبـري
اليـن مـا صـارت همومـي معازيبـي

ادري ان (( كلي عيوب )) وطيبتي عذري
واكبر عيوبي مـع العالـم كثـر طيبـي

الظاهر ان الفـراق المرجـا ( بـدري )
لكـن الاكيـد السبـب بفراقنـا عيبـي

ياليتني قبـل لا امشـي وقبـل اسـري
لو يوم واحد معـك تصفـى مشاريبـي

ودي ا شوفك ثواني وانـت مـا تـدري
واقول : يا نفس من شوف الغضي طيبي