أبد والله سمعت بطاري عيونك وجيت أغليك
يقول القلب سلم لي عليه ويطلب وصالك
حبيبي جيت لمصافح مواعيد الفرح بيديك
وجيت أعطي يمينك حب ما تدري به شمالك
أشوفك وأسمعك قبل أعرفك وأشتاقلك وأبيك
وأحس آمال عمري من عرفتك تشبه " آمالك "
أنا ما عشت قبل أعيش بإحساسك وقبل أجيــك
حبيبي جيت لك بقلبي ولو ما جيت لك جــالك
أحاسيسي كريمه وأنت تستاهل كرم / غاليك
ترى لو ما أشرقت شمسك وصل رحت أتبع ظلالك
يقولون العرب دارن بلا مغليك ما تغريك
وأقول إنك بليا حب كنك عايش لحالك
ولا تزعل من اللي لا زعل منك رجع يرضيك
ولا تطري كلام البعد فال الله ولا فــالك
أنا لو ما تذكرتك غلا جاب الغلا طاريـــك
تعيش وتسلم لقلب على كف الغلا شالك
أطالع وجهك المشرق أمل وعيوني تناديك
وأقول الله ثم الله لا يحرمني وصالك