بسم الله الرحمن الرحيم
السلام عليكم ورحمة الله وبركاته
ممكن نزلت الموضوع بمكان غلط لكن نيتي ان كثير من العضوات يدخلون بهالقسم
فـ\ قلت للأستفادة
مو عارفة وش اقول عن بنات اليوم
بصراحة انا نفسي صرت استحي اروح سوق ولا مطعم
البنات صارو يلبسون شيء عاري لا ابعد الحدود لهدرجة مافي حياء
حتى الدول اللي مو مسلمة يستهزؤون في ديننا وكل هذا بسسب اللي يصير
واحد اميركي يتكلم يقول اكلم بنت من الدول العربية مسلمة على الايميل
واستغرب انها تفتح الكاميرا ومولابسة حجاب اتكلم بداخلي أليس دينهم التستر
هذا اميركي اللي ماعنده حياء ودين تعجب من فعل هذه المسلمة
واحنا غافلين مانهتم كل شخص مهتم بدنياه وبس حتى الاخرة نساها عموما انا موضوعي عن الحجاب
اختي المسلمة لا تعتقدين ان الحرية بهذا اللبس سمعت الشيخ نبيل العوضي يقول
كلام اعجبني يقول( اذا كانت النساء والبنات تعتقد بأن الحضارة هي بالتعري فأكثر مخلوق لديهم حضارة هم الحيوانات ) ارأيتي اختي ماذا يقولون عنكي يشبهونك بالحيوان
لماذ لان من الاشياء التي تفرق بين الانسان والحيوان اللباس
كوني كالجوهرة لا يراكي بهذا اللبس غير زوجك
انا عارفة ان في بنات ممكن مايعجبهم هالكلام لكن صدقيني مابقى شيء الدنيا رايحة احنا بأخر الزمان
ياناس اصحوا احنا بأخر الزمان
انا استغرب من اهل البنت اللي تطلع ولابسة جينز ضيق او بلوزة علاق او حتى لبس طويل لكن ضيق جدا اهلها عادي مايكلموها اخوها مايغار عليها
وين قاعدين احنا
اسأل الله ان يهدي جميع بنات المسلمين
هذا مولباس اسلام حتى لو متحجبة
رسالتي الاخرة للكاسيات العاريات
اللي تلبس عباية وشيلة لكن كأنها مو لابسة لبس ضيق يرسم جسمها لبس اختي هذا مو لبس الاسلام
انتي تعرفين لما تطلعين بهاللبس وكل شاب يشوفك تاخين ذنب تخيلي كم شخص يشوفك لما تكوني بسوق او جامعة او مطعم وألــخ
انا صراحة ما ألوم الشباب هالايام لاتعتقدون اايدهم انهم يمشوا ورى البنات ويتحرشون لا
لكن هم قاعدين يشوفون شيء مو طبيعي مجبور ينجرف ورى كل وحدة تطلع بهاللبس
لا تخلين نفسك رخيصة والكل يطالعك بالعكس كوني غالية كالجوهرة
في بعض النساء يلبسوا عباية الكتف واسعة لكنها مزخرفة فيها اللون وزخرفة كمان هذي العباية مو من لباس الاسلام
العباية هذي حتى لو ماترسم جسمك لكنها تجذب لك بعض الشباب
نفس هالعباية ترى ربنا مايرضاها لاتغضبي الله
بالله هذي متسترة
اقتدي بزوجات الرسول كوني مثلهن
انا عن نفسي اقسم بالله لما اطلع واشوف هالمناضر افتخر بنفسي
وافتخر بعبايتي جربي البسيها والله تحسين براحة
تحسين انج غالية تحسين لما تمشين بمكان انتي غير عن المتبرجات
تفتخرين بنفسك
ترى الكفار رسموا لنا هالطريق طريق التبرج
العباية اللي الحين يلبسونها بعض النساء اسمها العبائة الفرنسية
لكن النساء غيرت اسمها ويقولن عبائة الموضة او ماشابه ذلك
وبعد اللي حبيت اتكلم عنه النقاب
اللي حاطة كحل وطالعة مزينة عيونها وطالعة هذا مونقاب
شوفوا هالنقاب مكياج وتزيين وزينة العيون
شوفي الفرق
واخر كلمة للكل للي تلبس العباية الاسلامية
واللي تتبرج واللي ماتلبس عباية اسلامية
\وحتى لي انا
راح يجي يوم ونتحجب حجاب كامل موبكيفنا غصب عنا
ماتطلع منك شعرة وحدة غصب عنك تتحجبي ليه ماتتحجبي برضى نفس احسن لك والاجر لكي
واكيد حابة تعرفين شنو الحجاب اللي تلبسينه غصب عليج مو بكيفج
هذا هو
تخيلي نفسك وانتي تتقلبين يغسلونك وانتي عارية تخيلي
انك تموتي لا سمح الله وانتي مو متحجبة
اسأل الله ان يثبتنا جميعا
ممكن كلامي مو منظم لكن حاولت اكتب واطلع كل اللي عندي
عشان اوضح
والسلام عليكم ورحمة الله وبركاته
|
 |
رد مع اقتباس
