القضاة في السعودية أشبه بالملوك. يحظون بمكانة عالية , وينظر لهم من الجميع بصورة محترمة, ولا تراجع قراراتهم إلا نادراً , ويحظون بمزايا مالية كبيرة.في السنوات الأخيرة أصبح من الجائز انتقاد الساسة ولكن القضاة أمر لا يجرؤ عليه الكثيرون الحكومة السعودية تدلل القاضي ولكن بدون إنتاج وإنجاز عمل س1/ هل القاضي في السابق نفس القاضي الحالي لا والف لا في السابق القاضي يبدىراتب 5000وبعدين يزيد ولكن اليوم القاضي مدلل30000راتب وأكثر ويسجن الموظفين ويأمر وينهي ويرفع صوتة على المرجعين وين أيام زمان كل مايدخل مراجع يقوم القاضي من على الكرسي ويسلم على المراجع سبحان الله فرق مثل فرق السماء والارض القاضي في السابق قبل لحكم في قضية يستخير ويستشير
القضاه ويتريث في الحكم و اليوم القاضي يفرح ويخبر أهل البيت اليوم حكمة سجن أوجلد باركولي أكثر القضاه شباب مستعجل وبعض القضايا سنوات وهو متردد في الحكم
عندي لكم هدية بسيطة للمزايا المالية والإدارية للقضاة بالمملكة ..
وابيكم تركزون بالصورة التالية .. والي توضح بيان بسلم رواتب القضاة بعد زيادة 15% الي قبل خمس سنين تقريباً ..
انا بختصر لكم المميزات المالية للخبر الي بعكاظ ..
أولاً البدلات الي ياخذها جميع القضاة كبيرهم وصغيرهم بدون استثناء
- بدل طبيعة عمل = 50% من راتبه
- بدل حاسب آلي = 25% من راتبه
- بدل خطر = 20 من راتبه
يعني كل قاضي ياخذ زيادة 95% على راتبه .. فوق هذا يصرف له سنوياً 10 آلاف ريال بدل مصادر قضائية
اما بقية البدلات على النحو التالي :
زيادة 10% (على الي فوق) إذا تولى عمل إداري أو رئاسي ..
زيادة من 10 إلى 25% (على الي فوق) اذا كان قاضي بمحكمة بمكان نائي ..
بدل 20% (زيادة بعد على الي فوق) إذا كان يقوم باعمال التوثيق زيادة على شغله ..
يعني بحسبة بسيطة لو ناخذ أقل قاضي .. الي مرتبته ملازم قاضي وراتبه وفقا للجدول الي فوق 8920 ريال .. يسلتم شهرياً مع البدلات العادية بس
17394
أما أكبر واحد الي هو رئيس هيئة التمييز فا يستلم شهرياً وفقاً للجدول الي فوق الي هو راتبه 36800 ريال ..
58880 ريال شهرياً راتبه ..
نضيف فوق هالرواتب .. أنه لو اشتغل أيام العطل الرسمية يستلم كامل هالراتب مرتين مع البدلات !!
وأول ثلاث أيام من العيد يسلتم كامل هالراتب ثلاث مرات مع البدلات !!
يعني اذا كان يومية اقل قاضي مع البدلات تساوي يومياً حوالي 580 ريال .. تصير يوميته بأيام العيد الثلاث حوالي 1740 ريال !
وأكبر قاضي تصير يوميته بالعيد 5888 ريال ! ..
طبعا فيه انتدابات ومميزات اخرى نذكر منها الانتدابات ..
ويستحق القاضي الانتداب (بدون ما ينتدب فعلياً) يعني بس اذا صارت احد الحالات التالية يستحق الانتداب اليومي
اذا صارت المسافة بين بيته ومقر العمل اكثر من 75 كيلو للطريق المسفلت .. او اكثر من 40 كيلو للطريق البري .. أو 15 كيلو للطريق الي ماتوصله السيارات !
ومايجوز توصل ايام انتداباته بالسنة أكثر من مية وعشرين يوم بالسنة ..
لكن اللائحة برضو تنص على ان الانتداب الي فوق يبدأ من وقت خروجه من بيته .. وينتهي بوقت عودته .. يعني بياخذ هالمية وعشرين يوم بالسنة كامله !
شف الجدول التالي موضح به الانتدابات والبدلات
يعني اذا قلنا اقل قاضي بياخذ انتداب داخلي وقدره 600 ريال يومي على مية وعشرين يوم بالسنة .. يعني حوالي خمس شهور من السنة بيستلم اقل قاضي راتب وقدره
35394 ريال شهرياً اذا استحق الانتداب .. الي فوق ..
اما اكبر قاضي فا بيستلم خمس شهور من السنة راتب وقدره
103880 ريال شهرياً اذا استحق الانتداب الي فوق ..
اما اذا انتدب فعليا لبلد اخر .. سواء خارج المملكة او داخل المملكة ..
فلازم يؤمن له سيارة وسكن .. اما اذا مااومن له فهو يصرف له 400 يومي داخل المملكة او 600 يومي اذا خارج المملكة هذا للسيارة..
واذا اومن له سكن .. يصرف له بدل يومي 600 داخل المملكة .. او 800 خارج المملكة ..
وطبعا غير مميزات الاخرى الي تشمل كل وكيل محكمة فما فوق سيارة مع سواقها شامله كل مصاريفه من صيانه ووبنزين !!
وبعضهم تجدد لهم السيارة كل اربع سنين ..
وكلهم يقدرون يمتلكون السيارة !!
وغير الهاتف المجاني الدولي مع النت بمكتبه وبيته .. وغير الرعاية الصحية الشامله له وعياله وأي احد يعوله ..
وغير تذاكر سفر له ولعياله .. وغير منحه ارض خاصه لا تقل مساحتها عن 2500 متر مربع !! ويمنح ثانية بعد اذا انتهت خدمته..
وغير الجواز الدبلوماسي بعد مرور اربع سنين من بداية شغله .. وغير انهم يخصصون له موظف من المحكمة يخلص اشغاله بالدوائر الحكومية !
وغير انه يقدر ياخذ قرض بمليون ريال .. واذا انتهت خدمته بشكل نظامي يعفى من باقي الاقساط !!!!!!!!!
ولا تنتهي خدمته .. الا اذا بلغ السبعين .. أو قدم استقالته .. او احيل للتقاعد .. أو عدم صلاحيته للقضاء ..
ياجماعه .. انا مااحسدهم .. بالعكس الله يرزقهم ..
وهذا شئ طيب من الدولة انها تعطيهم كل هالرواتب والمميزات عشان مايحتاجون لاحد ولا احد ياثر على شغلهم الي يعتبر اهم شغل واكثر شغل حساسية بالدولة !!
لكن ..
ليش ماتحسن اوضاع الموظفين .. سواء الرسميين
او من على بند الاجور والتعاقدات الي كلهم سواء رسميين او غير رسميين رواتبهم مثل الزفت ..
الشركات المملوكة من الدولة كم تدخل شهرياً ؟؟
عملاء الجوال للاتصالات اكثر من 10 مليون .. واذا قلنا متوسط الفاتورة الشهرية لا تقل عن 200 ريال .. يعني تدخل شهرياً 2 مليار ريال!!
هذا غير استثمارات الشركة برا وتملك هي اصلا شركات كاملة برا المملكة!
شركة الكهرب مصرحين العام ان عدد عملائهم 5 ونص مليون .. واذا قلنا متوسط الفاتورة الشهرية ماتقل عن 200 ريال برضو بالمملكة .. يعني مليار ومائة مليون ريال شهرياً ..
غير الضرايب الي تفرض باسم رسوم .. لا اعتراض عليها ولكن فيها مدخول مادي شهري خيالي ..!!
طبعاً كل هذا بدون مانذكر البترول .. واستثمارات الدولة بالاسهم والبورصات المحلية والدولية وممتلكاته العقارية في كل مكان بالعالم وهنا ..
كل هذا .. وحوالي 25% من السعوديين تحت خط الفقر ... ياخي كيف تحت خط الفقر وانت اكبر دولة مصدرة للنفط !
|
 |
رد مع اقتباس
