اكسسوارات الانف (الزمام)

[عبدالرحمن]

الزمام



جاء في المعجم الوسيط الجزء الاول ويقال هو زمام قومه قائدهم .. وطبعا فيه يقصدون الزمام اللي نعرفه






طبيعي اتعرفون الزمام او الزميم مثل مايسمونه امهاتنا، موضة كانت منتشرة جدا قديما بين النساء والفتيات وجات فترة وانتشرت، لكن رجعت هالموضة بالسبع السنين الحالية..
الزمام صالح لكل مكان وزمان تلبسه جميع الطبقات ومن جميع المستويات..



قديما الزمام كان من الذهب وحاليا بعد من الذهب لكن اللي يفرق هو انه الحين بناتنا يلبسون الزمام الصغير والنعوم ....


وفيه أنواع لزمام تكون كريستالات صغيرة تلزق،

والغريب البنات دايما يضعون جهة الزمام عاليمين،، وكما سمعت انه يوضع على اليسار وليس اليمين هل هاذه المقوله صح !!!

شوفوا شوية صور عن اشكال وانواع الزمام..



































اللي اتحب تثقب اتروح لمستوصفات نفس المجمعات الطبية الخاصة لانه عندهم الآلة اللي تثقب الأذن واتكون الابرة دقيقة جدا،، لانه الآلة اللي تثقب الأذن غير عن اللي تثقب الخشم..


حتى انه العرب تغنوا في الزميم -((الزمام))

مثل قول ابن شاهين:

الخد براق سمر في غمامه
وعيون سود ناعسات مكاحيل
والخشم مسلوب زهابه زمامه
كنه من الرهاف البيض المصاقيل


وقول العريني:ابو زميم على مثل البرد هفا
ما حطه الا عذاب للهواوية

ويقول غيره:ابو عيون هدبهن صفة الريش
وزميمه تحت حجر العين بان

[جــــــــــوري]

يسلمو رشفه على الموضوع



بس والله ماعمري جربته
ولا راح اجربه

[رديمة]

ممكن استخدم لستكر المؤقت
اما هذي مستحيـــل اسويها صمة:

[قلب الوفا]

الخد براق سمر في غمامه
وعيون سود ناعسات مكاحيل
والخشم مسلوب زهابه زمامه
كنه من الرهاف البيض المصاقيل

[السموه]

بصراحه احبه وما اتخيل انه ما يكون في خشمي
الزمام .. و ما أدراك مالزمام ؟!
مدري وش أكتب يآ عذآبي يآ حرآم ..
مدري ليه قلبي .. تحاول تقهره ؟!

يآ رضا روحي .. غرآمي مو غرآم ..
أفترى حبك على قلبي أفترى ..

يآ عصام ألحق خويك يا عصام ..
أنظر .. أنظر يالخوي للي جرى !!

كن نجمة حاضنة بدر التمام ..
وكن ظلام الليل .. { شلال شعره } ..



يعطيك العافيه

[أخت أختي]

شلون عرفتي اني توني مخرمه !

الف شكر على الموضوع